മലപ്പുറം: ആര്ജെഡിയുടെ മുന് സംസ്ഥാന സെക്രട്ടറി കിഷന്ചന്ദ് മുസ്ലിം ലീഗില് അംഗത്വമെടുത്തു. ഇക്കഴിഞ്ഞ മാര്ച്ചില് കിഷന്ചന്ദിനെ ആര്ജെഡിയില് നിന്ന് പുറത്താക്കിയിരുന്നു. അതിനുശേഷമാണ് പാണക്കാട് എത്തി പാര്ട്ടി അംഗത്വം സ്വീകരിച്ചത്.
കോഴിക്കോട് കോര്പ്പറേഷന് തെരഞ്ഞെടുപ്പില് അഞ്ചിടത്ത് ആര്ജെഡി പരാജയപ്പെട്ടിരുന്നു. മൂന്നിടത്ത് സിപിഐഎം ജയിച്ചു. കാലുവാരിയെന്നായിരുന്നു കിഷന്ചന്ദ് അടക്കമുള്ളവരുടെ ആരോപണം. ഇതിനെത്തുടർന്ന് സിപിഐഎമ്മുമായുള്ള ബന്ധം അവസാനിപ്പിക്കണം എന്നാവശ്യപ്പെട്ട് കിഷന്ചന്ദ് അടക്കം ഒരു വിഭാഗം നേതാക്കള് നേരത്തേ രംഗത്തെത്തിയിരുന്നു. ഇതിന് പിന്നാലെയാണ് പാർട്ടി വിടലും മുസ്ലിം ലീഗില് ചേരലും.
