തിരുവനന്തപുരം: ആലപ്പുഴയിൽ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രിയുടെ ഗൺമാന്മാർ ആക്രമിച്ച കേസിലെ അന്വേഷണം അട്ടിമറിച്ചെന്ന ആരോപണത്തിൽ എഡിജിപി എം.ആർ. അജിത് കുമാർ ഇന്ന് ഡിജിപിക്ക് വിശദീകരണം നൽകും. ഇന്ന് വൈകുന്നേരത്തിനുള്ളിൽ മറുപടി നൽകുമെന്നാണ് അജിത് കുമാർ അറിയിച്ചിരിക്കുന്നത്. അദ്ദേഹത്തിന്റെ വിശദീകരണം ലഭിച്ച ശേഷം ഡിജിപി സ്വന്തം ശുപാർശ കൂടി ഉൾപ്പെടുത്തി സർക്കാരിന് റിപ്പോർട്ട് നൽകും. എസ്‌ഐടിയുടെ തുടരന്വേഷണ റിപ്പോർട്ട് നേരത്തെ ഡിജിപിക്ക് ലഭിച്ചിരുന്നു. റിപ്പോർട്ടിലെ ചില ഭാഗങ്ങളിൽ കൂടുതൽ വ്യക്തത ആവശ്യപ്പെട്ട് ഡിജിപി അത് തിരിച്ചയച്ചിരുന്നു. […]