രണ്ടാമതും ടച്ചിങ്സ് ചോദിച്ചു: യുവാവിനെ ബാര് ജീവനക്കാര് മര്ദ്ദിച്ചു
എറണാകുളം: ടച്ചിങ്സ് ചോദിച്ചതിന് യുവാവിനെ ബാര് ജീവനക്കാര് മര്ദ്ദിച്ചു. പരിക്കേറ്റ തലക്കോട് സ്വദേശി അനന്തുവിന്റെ പരാതിയില് പൊലീസ് കേസെടുത്തു. അനന്തുവിനൊപ്പമുണ്ടായിരുന്ന അനോജിനും മര്ദ്ദനത്തില് പരിക്കുണ്ട്. ബുധനാഴ്ച രാത്രിയാണ് കേസിനാസ്പദമായ സംഭവം. ബാറിലിരുന്ന് മദ്യപിക്കുന്നതിനിടയിൽ യുവാക്കള് രണ്ടാമതും ടച്ചിങ്സ് ചോദിച്ചു. ഇതാണ് തർക്കത്തിലേക്ക് നയിച്ചതെന്നാണ് വിവരം. ബിയര് കുപ്പിയടക്കം ഉപയോഗിച്ച് യുവാവിനെ മര്ദ്ദിച്ചുവെന്നും പരാതിയില് പറയുന്നു. മര്ദനത്തില് അനന്തു ബോധരഹിതനായി വീണു. തലയ്ക്ക് ഗുരുതര പരിക്കേറ്റ അനന്തു കോട്ടയം മെഡിക്കല് കോളേജില് ചികിത്സയിലാണ്.
Read more
