ചിത്രദുര്ഗയില് 20കാരി കൊല്ലപ്പെട്ട നിലയില്; നഗ്നമാക്കപ്പെട്ട ശരീരം പാതി കത്തിയ നിലയില്
ബംഗളൂരു: കര്ണാടകയിലെ ചിത്രദുര്ഗയില് 20കാരിയെ കൊല്ലപ്പെട്ട നിലയില് കണ്ടെത്തി. രണ്ടാം വര്ഷ ഡിഗ്രി വിദ്യാര്ത്ഥിനിയുടെ മൃതദേഹമാണ് റോഡരികില് കണ്ടെത്തിയത്. നഗ്നമാക്കപ്പെട്ട ശരീരം പാതി കത്തിയ നിലയിലായിരുന്നു. പെണ്കുട്ടിയെ ഓഗസ്റ്റ് 14ന് ഹോസ്റ്റലില് നിന്നിറങ്ങിയ ശേഷം കാണാതായിരുന്നു. അന്വേഷണം നടക്കുന്നതിനിടെയാണ് മൃതദേഹം കണ്ടെത്തിയത്. പെണ്കുട്ടി ബലാത്സംഗത്തിന് ഇരയായതായി സംശയിക്കുന്നതായി പൊലീസ്. സംഭവത്തില് കൊലക്കുറ്റത്തിന് പൊലീസ് കേസെടുത്തു. അതേസമയം, പെണ്കുട്ടിയുടെ മൃതദേഹം ഏറ്റുവാങ്ങാന് ബന്ധുക്കള് വിസമ്മതിച്ചു. കുറ്റവാളികളെ പിടികൂടണമെന്നാണ് ബന്ധുക്കളുടെ ആവശ്യം. സംഭവത്തില് ചിത്രദുര്ഗയില് വ്യാപകമായി പ്രതിഷേധം ഉയര്ന്നിരിക്കുകയാണ്.
Read more
