കൊല്ലം:വസ്ത്രം മടക്കി വെയ്ക്കാത്തതിന്റെ പേരില്‍ പത്ത് വയസുകാരിയായ മകളെ ക്രൂരമായി മര്‍ദ്ദിച്ച പിതാവ് അറസ്റ്റില്‍. കേരളപുരം സ്വദേശി ഷിബു ആണ് കുണ്ടറ പൊലീസിന്റെ പിടിയിലായത്.വെള്ളിയാഴ്ച ഉച്ചയ്ക്കായിരുന്നു സംഭവം. കട്ടിലില്‍ കിടന്ന വസ്ത്രം മടക്കിവെക്കാത്തതിനെ തുടര്‍ന്നാണ് കുട്ടിയെ മര്‍ദ്ദിച്ചത്.മര്‍ദ്ദനത്തില്‍ കുട്ടിയുടെ തോളെല്ലിന് പൊട്ടലുണ്ട്.ഷിബു സ്വന്തം മുത്തച്ഛനെ കൊന്ന കേസില്‍ പ്രതിയാണ്. കേസിലെ ഏക ദൃക്‌സാക്ഷിയാണ് ഈ കുട്ടി. ഷിബു പ്രതിയായ കൊലപാതക കേസില്‍ മൊഴിമാറ്റിപ്പറയാന്‍ വേണ്ടിയാണോ കുട്ടിയെ മര്‍ദിച്ചതെന്ന് പൊലീസ് സംശയിക്കുന്നുണ്ട്.