മുംബൈ: മഹാരാഷ്ട്രയിലെ കൊൽഹാപൂർ ജില്ലയിൽ നടന്ന പരമ്പരാഗത കാള ജോടി മത്സരത്തിനിടെ നിയന്ത്രണം വിട്ട കാള ജനക്കൂട്ടത്തിലേക്ക് പാഞ്ഞുകയറി. സംഭവത്തിൽ ആറുപേർക്ക് പരിക്കേറ്റതായി അധികൃതർ അറിയിച്ചു. ഗഡ്ഹിങ്ലജ് താലൂക്കിലെ ഭഡ്ഗാവ് ഗ്രാമത്തിൽ കാളകളുടെ ആരോഗ്യവും കരുത്തും വിലയിരുത്തുന്നതിനായി സംഘടിപ്പിച്ച മത്സരത്തിനിടെയാണ് അപകടമുണ്ടായത്. മത്സരത്തിന് മുമ്പ് കാളകളെ പരിശോധിക്കുന്നതിനിടെ ഒരു കാള അപ്രതീക്ഷിതമായി അസ്വസ്ഥത പ്രകടിപ്പിച്ച് നിയന്ത്രണം വിടുകയായിരുന്നു. തുടർന്ന് കാള മത്സരവേദിയിലൂടെ അതിവേഗം ഓടിയതോടെ കാണികളും സംഘാടകരും ഭീതിയിലായി. കാള വിധികർത്താക്കളുടെ വേദിയിലേക്കും പാഞ്ഞെത്തിയതോടെ വിധികർത്താക്കളും സംഘാടകരും […]