ഷാർജ: ഷാർജയിൽ കുഞ്ഞിന്റെ മരണത്തിന് ഇടയാക്കിയ കാർ അപകടത്തിൽ കാർ ഓടിച്ച ആൾക്ക് മാപ്പ് നൽകി കുടുംബം. മനഃപൂർവ്വം സംഭവിച്ച അപകടമല്ലെന്നും പരാതി ഇല്ലെന്നും കുടുംബം പോലീസിനെ അറിയിച്ചു. തങ്ങൾക്ക് നഷ്ടപെടാനുള്ളത് നഷ്ടപ്പെട്ടു ഇനി മറ്റൊരു കുടുംബം ഇതിന്റെ പേരിൽ വേദനിക്കാൻ ആഗ്രഹമില്ലെന്നും കുടുംബം.എട്ട് വർഷത്തിന് ശേഷം ഉണ്ടായ കുഞ്ഞാണ് അലൻ. അമ്മയുമായി വേസ്റ്റ് ബാഗ് കളയാൻ പോയതായിരുന്നു സമീപത്തുള്ള പാർക്കിങ്ങിൽ നിന്ന് കാർ വന്ന് ഇടിക്കുകയായിരുന്നു. കുടുംബം ഇപ്പോൾ നാട്ടിലെത്തിയിട്ടുണ്ട്.