തിരുവനന്തപുരം: ചിറയിൻകീഴിലെ കോൺഗ്രസ് പ്രവർത്തകർ തമ്മിലുണ്ടായ സംഘർഷത്തിൽ വിശദീകരണവുമായി കെപിസിസി വൈസ് പ്രസിഡന്റ് രമ്യ ഹരിദാസ് എംഎൽഎ. സഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ട തർക്കമാണ് പ്രശ്നങ്ങൾക്ക് പിന്നിലെന്നും രണ്ട് വിഭാഗങ്ങളായി കോൺഗ്രസ് പ്രവർത്തകർ തെരഞ്ഞെടുപ്പിൽ മത്സരിച്ചിരുന്നുവെന്നും രമ്യ പറഞ്ഞു. വിഷയത്തിൽ കെപിസിസിക്ക് പരാതി നൽകിയിരുന്നുവെന്നും ഇരുവിഭാഗങ്ങളുമായും സംസാരിച്ചെങ്കിലും ഒത്തുതീർപ്പിലെത്താൻ കഴിഞ്ഞില്ലെന്നും രമ്യ വ്യക്തമാക്കി. ജനപ്രതിനിധി എന്ന നിലയിൽ ഒരു വിഭാഗത്തിനൊപ്പം നിൽക്കുന്നത് ശരിയല്ലെന്ന് കണ്ടാണ് ഇരുവിഭാഗങ്ങളും സംഘടിപ്പിച്ച കൺവെൻഷനുകളിൽ പങ്കെടുക്കേണ്ടെന്ന് തീരുമാനിച്ചതെന്നും അവർ പറഞ്ഞു. തുടർന്ന് തനിക്കെതിരെ […]