കൊച്ചിയിൽ കണ്ടെയ്നർ കപ്പലിന് നിയന്ത്രണം നഷ്ടമായി; ഒഴിവായത് വൻ അപകടം
കൊച്ചി: കൊച്ചിയിലെത്തിയ കണ്ടെയ്നർ കപ്പലിന് നിയന്ത്രണം നഷ്ടപ്പെട്ടെങ്കിലും സമയോചിത ഇടപെടലിലൂടെ വൻ അപകടം ഒഴിവായി. ഇന്നലെ രാത്രി കൊച്ചിയിലെത്തിയ എസ്എസ്എൽ മുംബൈ എന്ന കണ്ടെയ്നർ കപ്പലിനാണ് നിയന്ത്രണം നഷ്ടമായത്. നിയന്ത്രണം വിട്ട കപ്പൽ തീരത്തേക്ക് നീങ്ങുന്നതിനിടെയാണ് ടഗ് ബോട്ടുകൾ അതിവേഗം എത്തി കപ്പലിനെ നിയന്ത്രണത്തിലാക്കിയത്. ടഗ് ബോട്ടുകളുടെ സമയോചിതമായ ഇടപെടലാണ് വലിയ അപകടം ഒഴിവാക്കാൻ സഹായിച്ചത്. സംഭവത്തിൽ ആളപായമോ മറ്റ് നാശനഷ്ടങ്ങളോ റിപ്പോർട്ട് ചെയ്തിട്ടില്ല. സംഭവത്തിന്റെ കാരണം സംബന്ധിച്ച് കൂടുതൽ പരിശോധന നടത്തും.
Read more
