തിരുവനന്തപുരം: കണ്ണൂർ അഞ്ചരക്കണ്ടി മെഡിക്കൽ കോളേജിലെ വിദ്യാർഥിയായിരുന്ന നിതിൻ രാജിന്റെ മരണവുമായി ബന്ധപ്പെട്ട കേസിൽ തുടരന്വേഷണത്തിന് ആഭ്യന്തരമന്ത്രി നിർദേശം നൽകി. നിതിന്റെ പിതാവ് രാജൻ നൽകിയ പരാതിയുടെ അടിസ്ഥാനത്തിലാണ് നടപടി. ക്രൈംബ്രാഞ്ച് ഐജി അജിതാ ബീഗത്തിന്റെ നേതൃത്വത്തിലുള്ള പ്രത്യേക അന്വേഷണ സംഘമായിരിക്കും കേസിൽ തുടരന്വേഷണം നടത്തുക. കേസിലെ മുഴുവൻ പ്രതികളെയും കണ്ടെത്തണമെന്ന് നിതിന്റെ പിതാവ് ആവശ്യപ്പെട്ടു. നിതിന്റേത് ആത്മഹത്യയല്ലെന്നും കൊലപാതകമാണെന്നും രാജൻ ആരോപിച്ചു. കേസിലെ മുഖ്യപ്രതി ഡോ. റാമിന്റെ അറസ്റ്റിനെ ആശ്വാസകരമായ കാര്യമെന്ന് വിശേഷിപ്പിച്ച അദ്ദേഹം, കുറ്റക്കാരായ […]