തിരുവനന്തപുരം: കർണാടകയിൽ എക്സ്പ്രസ് ഹൈവേയിലൂടെ ഓടിക്കൊണ്ടിരുന്ന കെഎസ്ആർടിസി ഡീലക്സ് ബസിന് നേരെ മുട്ടയേറ്. ബസിന്റെ മുൻവശത്തെ ചില്ലിലേക്ക് മുട്ട എറിഞ്ഞതോടെ ഡ്രൈവറുടെ കാഴ്ച മറഞ്ഞെങ്കിലും നിയന്ത്രണം നഷ്ടപ്പെടാതെ ബസ് നിർത്തിയതിനാൽ വൻ അപകടം ഒഴിവായി. കോഴിക്കോട് നിന്ന് ബെംഗളൂരുവിലേക്ക് പോകുകയായിരുന്ന ബസിന് നേരെയാണ് ആക്രമണം ഉണ്ടായത്. ഇന്നലെ രാവിലെ 9.15ഓടെ ബിഡദിയിൽ വച്ചാണ് സംഭവം. എക്സ്പ്രസ് ഹൈവേയിലൂടെ സഞ്ചരിക്കുന്നതിനിടെ ബസിന്റെ മുൻവശത്തെ ചില്ലിലേക്ക് മൂന്ന് മുട്ടകൾ എറിയുകയായിരുന്നു. മുട്ട പൊട്ടിയതോടെ മുൻവശത്തെ രണ്ട് ചില്ലുകളും കാഴ്ച മറയ്ക്കുന്ന […]