മലപ്പുറം: തിരൂരങ്ങാടി താലൂക്ക് ആശുപത്രിയിലെ ഗൈനക്കോളജി വിഭാഗത്തിൽ ആവശ്യത്തിന് ഡോക്ടർമാരില്ലാത്തത് രോഗികളെ ദുരിതത്തിലാക്കുന്നതായി പരാതി. ഗർഭിണികൾ ഉൾപ്പെടെയുള്ള രോഗികൾക്ക് ചികിത്സ ലഭിക്കാത്ത സാഹചര്യമാണെന്നാണ് ആരോപണം. പ്രസവത്തിനായി ആശുപത്രിയിലെത്തുന്നവരെ മെഡിക്കൽ കോളേജിലേക്ക് റഫർ ചെയ്യുന്നതായും പരാതിയുണ്ട്. നിലവിൽ ഗൈനക്കോളജി വിഭാഗത്തിൽ രണ്ട് സീനിയർ കൺസൾട്ടന്റുമാരും ഒരു ജൂനിയർ കൺസൾട്ടന്റും ഉൾപ്പെടെ മൂന്ന് ഡോക്ടർമാരാണുള്ളത്. ഇതിൽ ജൂനിയർ കൺസൾട്ടന്റ് വ്യക്തിപരമായ ആവശ്യങ്ങൾക്കായി അവധിയിലാണ്. ഒരു സീനിയർ കൺസൾട്ടന്റ് ദീർഘകാല അവധിയെടുത്ത് സ്വകാര്യ ആശുപത്രിയിൽ ജോലിയിൽ പ്രവേശിച്ചതായും ആരോപണമുണ്ട്. മറ്റൊരു ഡോക്ടർ […]