രോഗികളെ ആശങ്കയിലാക്കി പരിയാരം മെഡിക്കല് കോളേജില് പാമ്പ് ശല്യം
കണ്ണൂര്: പരിയാരം മെഡിക്കല് കോളേജില് പാമ്പ് ശല്യം രൂക്ഷം. 503-ാം നമ്പര് സ്പെഷ്യല് വാര്ഡിലെ ശുചിമുറിക്കുള്ളിലാണ് ഇന്ന് രാവിലെ പാമ്പിനെ കണ്ടത്. സെപ്തംബര് 19ന് നവജാതശിശുക്കളുടെ ഐസിയുവില് നിന്ന് പാമ്പിനെ കണ്ടെത്തിയിരുന്നു. അന്ന് സ്ഥലത്തുണ്ടായിരുന്നവര് പാമ്പിനെ തല്ലിക്കൊല്ലുകയായിരുന്നു. ഉഗ്ര വിഷമുള്ള വെള്ളിക്കെട്ടനെയാണ് അന്ന് കണ്ടെത്തിയത്. 15 കുഞ്ഞുങ്ങളും നഴ്സുമാരും ആ സമയം ഐസിയുവിലുണ്ടായിരുന്നു. കൂട്ടിരിപ്പുകാരാണ് പാമ്പിനെ കണ്ടത്. ആശുപത്രിക്ക് ചുറ്റും പടര്ന്നുകയറിയ ചെടികളില് നിന്നാണ് പാമ്പ് വരുന്നതെന്നാണ് നിഗമനം.
Read more
