സുല്‍ത്താന്‍ ബത്തേരി: മൈസൂരുവില്‍ നിന്ന് സുല്‍ത്താന്‍ ബത്തേരിയിലേക്ക് കാറില്‍ വരുകയായിരുന്ന യുവാവിനെ ഒരു സംഘം ആളുകള്‍ തട്ടിക്കൊണ്ടുപോയി മര്‍ദിച്ച് വഴിയില്‍ ഉപേക്ഷിച്ചതായി പരാതി. സുല്‍ത്താന്‍ ബത്തേരി കാരക്കണ്ടി സ്വദേശി പാലത്തില്‍ വീട്ടില്‍ ആസിഫ് (42) ആണ് ബേഗൂര്‍ പൊലീസ് സ്റ്റേഷനില്‍ പരാതി നല്‍കിയിരിക്കുന്നത്. കഴിഞ്ഞ വ്യാഴാഴ്ച വൈകുന്നേരം 7 മണിയോടെ നഞ്ചന്‍ഗോഡിന് സമീപം ഇരിക്കാട്ടി എന്ന സ്ഥലത്തുവെച്ചാണ് സംഭവം ഉണ്ടായതെന്ന് പരാതിയില്‍ പറയുന്നു. മറ്റൊരു കാറിലെത്തിയ നാലംഗ സംഘമാണ് തന്റെ വാഹനം ആക്രമിച്ച് തട്ടിക്കൊണ്ടുപോയതെന്ന് ആസിഫ് പറയുന്നു. […]

മാനന്തവാടി: നാലുവയസ്സുകാരിയെ തട്ടിക്കൊണ്ടുപോയശേഷം റോഡരികിൽ ഉപേക്ഷിച്ച കേസിലെ പ്രതി അറസ്റ്റിൽ. കുപ്പാടിത്തറ പുതുശ്ശേരിക്കടവ് ചാപ്പാളി വീട്ടിൽ സി. ജിഹാസി(25)നെയാണ് കോഴിക്കോട്ടുവെച്ച് പിടികൂടിയത്. സംഭവത്തിനുശേഷം ജില്ല വിട്ടുപോയ ജിഹാസിനായി പോലീസ് തിരച്ചിൽ വ്യാപകമാക്കിയിരുന്നു. കോഴിക്കോട് റെയിൽവേ സ്റ്റേഷനിൽ ഇയാൾ ഉണ്ടെന്ന രഹസ്യവിവരം ലഭിച്ചതിനെത്തുടർന്ന് റെയിൽവേ പോലീസിന്റെ സഹായത്തോടെയാണ് ചൊവ്വാഴ്ച രാത്രി 12-ഓടെ കസ്റ്റഡിയിലെടുത്തത്. ദ്വാരക പുലിക്കാട് സ്വദേശിയായ നാലുവയസ്സുകാരിയെയാണ് ശനിയാഴ്ച രാത്രി ജിഹാസ് തട്ടിക്കൊണ്ടുപോയത്. വീട്ടിൽനിന്ന് ഏകദേശം ഏഴുകിലോമീറ്റർ മാറിയുള്ള തരുവണ പാലിയാണയിലാണ് രണ്ടുമണിക്കൂറിനുശേഷം കുട്ടിയെ കണ്ടെത്തിയത്.