തിരുവനന്തപുരം: നിയമസഭയിലെ തന്റെ പരാമർശം മോർഫ് ചെയ്ത് പ്രചരിപ്പിച്ചെന്ന ആരോപണവുമായി ധനമന്ത്രി കെ എൻ ബാലഗോപാൽ. സംഭവത്തിൽ അവകാശ ലംഘനത്തിന് നോട്ടീസ് നൽകുമെന്ന് അദ്ദേഹം അറിയിച്ചു. തന്റെ യഥാർഥ പരാമർശത്തിൽ മറ്റ് ദൃശ്യങ്ങൾ കൂട്ടിച്ചേർത്ത് തെറ്റായ രീതിയിൽ എഡിറ്റ് ചെയ്തുവെന്നും, പ്രതിപക്ഷ നേതാവിനെ അപമാനിക്കുന്ന തരത്തിൽ പ്രചരിപ്പിച്ചുവെന്നും ബാലഗോപാൽ ആരോപിച്ചു. ‘എൽഒപി എഴുന്നേറ്റ് സംസാരിക്കണം’ എന്ന പരാമർശത്തിലാണ് വിവാദം ഉണ്ടായത്. പ്രതിപക്ഷ നേതാവ് സംസാരിക്കണമെന്നാണ് താൻ ഉദ്ദേശിച്ചതെന്നും, അത് തെറ്റായി വ്യാഖ്യാനിക്കപ്പെട്ടുവെന്നും അദ്ദേഹം വ്യക്തമാക്കി. സഭാ സമ്മേളനത്തിനിടെ […]