കൊല്ലം: ഓച്ചിറയിൽ വീട്ടിൽ സൂക്ഷിച്ചിരുന്ന വൻ മദ്യശേഖരം എക്സൈസ് സംഘം പിടികൂടി. ചങ്ങൻകുളങ്ങരയിലെ കൊച്ചുമഠത്തിൽ വീട്ടിൽ ഗോപാലകൃഷ്ണന്റെ (49) വീട്ടിൽ നിന്നാണ് മദ്യക്കുപ്പികൾ കണ്ടെത്തിയത്. ഡ്രൈ ഡേയിൽ മദ്യം വിൽപ്പന നടത്തുന്നതിനിടെയാണ് ഗോപാലകൃഷ്ണനെ എക്സൈസ് സംഘം പിടികൂടിയത്. ഇയാളുടെ പക്കൽ നിന്ന് 124 കുപ്പി ഇന്ത്യൻ നിർമിത വിദേശമദ്യം കണ്ടെടുത്തു. ആകെ 62 ലിറ്റർ മദ്യമാണ് പിടിച്ചെടുത്തത്. സംഭവത്തിൽ ഗോപാലകൃഷ്ണന്റെ അറസ്റ്റ് രേഖപ്പെടുത്തിയതായി എക്സൈസ് അധികൃതർ അറിയിച്ചു.