ഇംഫാൽ: സമാധാനാന്തരീക്ഷം തിരിച്ചു പിടിക്കാനാവാതെ മണിപ്പൂരിൽ സംഘർഷം തുടരുന്നു. ഇടക്കാലത്ത് നിലനിന്നിരുന്ന സംഘർഷവിരാമം അടുത്ത ദിവസങ്ങളിലുണ്ടായ ആക്രമണങ്ങൾക്ക് പിന്നാലെ തകർന്നിരിക്കുകയാണ്. മെയ്തെ–കുക്കി വിഭാഗങ്ങൾ തമ്മിലുള്ള ഏറ്റുമുട്ടലുകൾ തുടരുന്നതിനൊപ്പം നാഗ വിഭാഗങ്ങളെയും സംഘർഷത്തിലേക്ക് വലിച്ചിഴയ്ക്കുന്ന തരത്തിലാണ് സാഹചര്യം കടുപ്പിക്കുന്നത്. ഉഖ്രുൽ ജില്ലയിൽ നടന്ന വെടിവെയ്പ്പിൽ വിരമിച്ച സൈനികനുൾപ്പെടെ രണ്ട് പേർ കൊല്ലപ്പെട്ടു. ശനിയാഴ്ച ഉച്ചയ്ക്ക് ശേഷം ടി.എം. കാസോം ഗ്രാമത്തിന് സമീപം, ഇംഫാലിൽ നിന്ന് ഉഖ്രുലിലേക്കു പോകുകയായിരുന്ന സിവിലിയൻ വാഹനങ്ങൾക്ക് നേരെയാണ് സായുധ സംഘം ആക്രമണം നടത്തിയത്. സമാധാന […]