കോഴിക്കോട്: കുന്ദമംഗലത്ത് വയോധികയെ കാണാതായതായി പരാതി. താളികുണ്ട് സ്വദേശിനി രാധ (80)യെയാണ് ഇന്നലെ മുതൽ കാണാതായത്. താളികുണ്ട് കടവിന് സമീപത്ത് നിന്ന് രാധയുടെ മൊബൈൽ ഫോണും മോതിരവും കണ്ടെത്തി. ഇതോടെയാണ് വയോധിക പുഴയിൽ അകപ്പെട്ടതാകാമെന്ന സംശയം ഉയർന്നത്. സംഭവത്തെ തുടർന്ന് വെള്ളിമാടുകുന്ന് ഫയർഫോഴ്സ് യൂണിറ്റിന്റെ നേതൃത്വത്തിൽ തിരച്ചിൽ ആരംഭിച്ചു. സ്കൂബാ സംഘവും നാട്ടുകാരും ചേർന്ന് പൂനൂർ പുഴയിൽ വ്യാപകമായി പരിശോധന നടത്തുകയാണ്. രാധയെ കണ്ടെത്താനുള്ള ശ്രമം തുടരുകയാണ്. സംഭവത്തിൽ കൂടുതൽ വിവരങ്ങൾ ലഭ്യമായിട്ടില്ല.