അങ്കമാലി: അമിതഭാരം കയറ്റിയും അനുവദനീയമായതിലും കൂടുതൽ ഉയരത്തിൽ ചരക്കുകൾ കൊണ്ടുപോയും സർവീസ് നടത്തിയ വാഹനങ്ങൾക്കെതിരെ നടപടി. എറണാകുളം എൻഫോഴ്‌സ്‌മെന്റ് ആർടിഒയുടെ നേതൃത്വത്തിൽ നടത്തിയ പ്രത്യേക പരിശോധനയിൽ 51 വാഹനങ്ങൾക്കെതിരെയാണ് നടപടിയെടുത്തത്. അങ്കമാലി, മഞ്ഞപ്ര, കരയാംപറമ്പ്, ഏഴാറ്റുമുഖം മേഖലകളിലായിരുന്നു രണ്ട് സ്ക്വാഡുകളായി തിരിഞ്ഞുള്ള പരിശോധന. അമിതഭാരം കയറ്റിയ വാഹനങ്ങൾ ഗതാഗത തടസ്സങ്ങൾ സൃഷ്ടിക്കുന്നതായും വൈദ്യുതി ലൈനുകൾ, പോസ്റ്റുകൾ, മറ്റ് കേബിളുകൾ എന്നിവയ്ക്ക് നാശമുണ്ടാക്കുന്നതായും പരാതികൾ ഉയർന്നിരുന്നു. ഇതേത്തുടർന്നാണ് പരിശോധന നടത്തിയത്. അമിതഭാരം കയറ്റിയ രണ്ട് വാഹനങ്ങൾ ഉദ്യോഗസ്ഥർ പിടിച്ചെടുത്തു. […]