കൊച്ചി: ഓണ വിപണി ലക്ഷ്യമിട്ട് വ്യാജമദ്യം നിർമിക്കാൻ എത്തിച്ച 1350 ലിറ്റർ സ്പിരിറ്റ് എക്സൈസ് പിടികൂടി. എറണാകുളം അങ്കമാലിയിൽ നടത്തിയ പരിശോധനയിലാണ് സ്പിരിറ്റ് കണ്ടെത്തിയത്. അങ്കമാലി കോതകുളങ്ങരയിലെ അടച്ചിട്ട ഹോളോ ബ്രിക്സ് ഗോഡൗണിൽ നിന്നാണ് സ്പിരിറ്റ് പിടികൂടിയത്. കർണാടകയിലെ ഹുബ്ലിയിൽ നിന്ന് രണ്ട് വാഹനങ്ങളിലായാണ് സ്പിരിറ്റ് എത്തിച്ചതെന്ന് എക്സൈസ് അറിയിച്ചു. രഹസ്യ വിവരത്തെ തുടർന്ന് നടത്തിയ റെയ്ഡിൽ 39 കന്നാസുകളിലായി സൂക്ഷിച്ചിരുന്ന സ്പിരിറ്റ് കണ്ടെത്തി. സംഭവത്തിൽ രണ്ട് പേരെ അറസ്റ്റ് ചെയ്തു. മറ്റ് പ്രതികൾക്കായി അന്വേഷണം തുടരുകയാണ്. […]