പാനൂരിൽ സ്റ്റീൽ ബോംബുകളും നാടൻ ബോംബും കണ്ടെത്തി
കണ്ണൂർ: പാനൂരിൽ പൊലീസ് നടത്തിയ പരിശോധനയ്ക്കിടെ മൂന്ന് ബോംബുകൾ കണ്ടെത്തി. മേലെ പൂക്കോം ചിത്രവയൽ പ്രദേശത്തുനിന്നാണ് ബോംബുകൾ പിടിച്ചെടുത്തത്. രണ്ട് സ്റ്റീൽ ബോംബുകളും ഒരു നാടൻ ബോംബും ആണ് കണ്ടെത്തിയത്. സ്റ്റീൽ ബോംബുകൾക്ക് പഴക്കമുണ്ടെന്നും, നാടൻ ബോംബ് പുതുതാണെന്നും പൊലീസ് അറിയിച്ചു. തിരഞ്ഞെടുപ്പ് ഫലപ്രഖ്യാപനത്തിന് മുന്നോടിയായി നടത്തിയ പരിശോധനയിലാണ് ഇന്ന് രാവിലെ പത്ത് മണിയോടെ ബോംബുകൾ കണ്ടെത്തിയത്. തുടർന്ന് ബോംബുകൾ സുരക്ഷിതമായി നിർവീര്യമാക്കി. സംഭവത്തെക്കുറിച്ച് പൊലീസ് അന്വേഷണം തുടരുകയാണ്.
Read more
