പാലക്കാട്: പാലക്കാട് കല്ലടിക്കോട് വീടിനകത്ത് വയോധികയുടെ മൃതദേഹം കത്തിയ നിലയിൽ കണ്ടെത്തി. വീട്ടുടമയായ അലീമെയാണ് മരിച്ച നിലയിൽ കണ്ടെത്തിയത്. കിടപ്പുമുറിയിലായിരുന്നു മൃതദേഹം കണ്ടെത്തിയത്. അലീമ ഒറ്റയ്ക്കാണ് താമസിച്ചിരുന്നത്. ഒറ്റക്ക് താമസിക്കുന്ന ഇവരെ രണ്ടുദിവസമായി കാണാനില്ലായിരുന്നു. തുടർന്ന് നടത്തിയ പരിശോധനയിലാണ് മൃതദേഹം കണ്ടത്. ആത്മഹത്യയാണ് എന്നാണ് പോലീസിന്റെ പ്രാഥമിക നിഗമനം. പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.