“എന്റെ ബാറ്റിങ് മെച്ചപ്പെടുത്താൻ ഹിമാൻഷു ഭയ്യ ഒരുപാട് കഠിനാധ്വാനം ചെയ്യുന്നുണ്ട്. ഇന്നത്തെ പ്രകടനം പൂർണമായും അദ്ദേഹത്തിനുള്ളതാണ്. കൂടുതൽ സ്വാതന്ത്ര്യത്തോടെ ബാറ്റ് ചെയ്യാൻ എനിക്ക് കഴിഞ്ഞു…” വാക്കുകൾ പൂർത്തിയാക്കാനാകാതെ മൈക്ക് മാറ്റിവെച്ച് വിതുമ്പിക്കൊണ്ട് ക്യാമറ ഫ്രെയിമിന് പുറത്തേക്ക് നടന്നുപോയ ഹർമൻപ്രീത് കൗർ. ഇന്ത്യൻ വനിതാ ക്രിക്കറ്റിലെ കരുത്തുറ്റ പോരാളിയുടെ ആ കണ്ണുനീർ ഒരു ഇന്നിങ്സിന്റെ സന്തോഷം മാത്രമായിരുന്നില്ല, നീണ്ടുനിന്ന സമ്മർദങ്ങളോടും വിമർശനങ്ങളോടുമുള്ള മറുപടി കൂടിയായിരുന്നു. ഇന്ത്യൻ വനിതാ ക്രിക്കറ്റിന്റെ ചരിത്രത്തിൽ മാനസികമായി ഇത്രത്തോളം കരുത്തുള്ള താരങ്ങളെ കണ്ടെത്തുക പ്രയാസമാണ്. […]