മുംബൈ: ബ്രിട്ടിഷ് ഭരണകാലത്ത് ശിക്ഷാ ഇളവ് തേടി വി.ഡി.സവർക്കർ 10 തവണ ദയാഹർജി നൽകിയിട്ടുണ്ടെന്ന് കോടതിയിൽ സമ്മതിച്ച് അദ്ദേഹത്തിന്റെ ബന്ധു സത്യകി സവർക്കർ. എന്നാൽ, ബ്രിട്ടിഷുകാരോടു വിശ്വസ്തത പുലർത്തിയിട്ടില്ലെന്നും ശിക്ഷ കുറയ്ക്കാനുള്ള നടപടിക്രമം പാലിക്കുകയാണു ചെയ്തതെന്നും അദ്ദേഹം കൂട്ടിച്ചേർത്തു. സ്വന്തം താൽപര്യപ്രകാരമാണു സവർക്കർ ഹർജി നൽകിയതെന്നു വ്യക്തമാക്കിയ സത്യകി, പ്രമുഖ വിപ്ലവകാരികളായ രാജ്ഗുരു, ബതുകേശ്വർ ദത്ത്, അഷ്ഫാഖുല്ലാഹ് ഖാൻ തുടങ്ങിയവർ ദയാഹർജി നൽകിയില്ലെന്നും ചൂണ്ടിക്കാട്ടി. ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെയുള്ള അപകീർത്തിക്കേസിൽ പുണെ പ്രത്യേക കോടതിയിലാണു […]