കോഴിക്കോട്: പുതുവത്സരാഘോഷത്തിന് സുരക്ഷയ്ക്കെത്തിയ പൊലീസ് സംഘത്തിന് ദാഹം തീർക്കാൻ വെള്ളം നൽകിയ യുവാവ് പിടികിട്ടാപ്പുള്ളിയാണെന്നു തിരിച്ചറിഞ്ഞു അറസ്റ്റ് ചെയ്തു. പ്രതിയുമായി മൽപിടിത്തത്തിൽ ഇൻസ്പെക്ടർ ഉൾപ്പെടെ 4 പൊലീസുകാർക്ക് മർദനമേറ്റു. ഒട്ടേറെ കേസുകളിൽ പിടികിട്ടാപ്പുള്ളിയായ ബേപ്പൂർ സ്വദേശി അയനിക്കൽ ശ്രീസരോജം വീട്ടിൽ അഭിരാമിനെ (ലൂക്ക 23) നെ ആണ് നടക്കാവ് ഇൻസ്പെക്ടർ എൻ.പ്രജീഷും സംഘവും നാടകീയമായി പിടികൂടിയത്. പുതുവത്സര തലേന്നു രാത്രി സരോവരത്തു നടന്ന പരിപാടിക്കിടയിലാണു സംഭവം. രണ്ടു മാസം മുൻപ് തൊണ്ടയാട് ബൈപാസിൽ 3 പൊലീസുകാരെ മർദിച്ചു […]