കൊച്ചി: ഈ വരുന്ന നിയമസഭാ തിരഞ്ഞെടുപ്പില് കേരളത്തിലെ ട്രാന്സ്ജെന്ഡര് കമ്മ്യൂണിറ്റി ബിജെപിക്ക് വോട്ട് ചെയ്യരുതെന്ന ആഹ്വാനവുമായി പ്രമുഖ മേക്കപ്പ് ആര്ടിസ്റ്റും ട്രാന്സ്വുമണുമായ രഞ്ജു രഞ്ജിമാര് രംഗത്ത്. മനുഷ്യന്റെ മനസ് കാണാന് കഴിയാത്ത ഇത്തരം ആളുകള് ഇവിടെ ഭരിക്കാന് വരരുതെന്നും ഇന്സ്റ്റഗ്രാമില് പങ്കുവെച്ച കുറിപ്പില് അവര് പറയുന്നു.
”കേരളത്തിലെ വിവരം ഉള്ള ട്രാന്സ്ജെന്ഡര് കമ്മ്യൂണിറ്റികളേ, ദയവു ചെയ്ത് നിങ്ങള് എന്തിന്റെ പേരില് ആണെങ്കിലും ഈ പാര്ട്ടിക്ക് നിങ്ങളുടെ വോട്ട് നല്കരുത്. നാളെ ഒരു പക്ഷെ എന്നെ ഇല്ലാണ്ടാക്കിയേക്കാം, എന്നെ തേജോവധം ചെയ്തേക്കാം. മനുഷ്യന്റെ മനസ് കാണാന് കഴിയാത്ത ഇത്തരം ആള്ക്കാര് ഇവിടെ ഭരിക്കാന് വരരുത്. എന്ത് വന്നാലും നേരിടും. കൊന്നോളും”, എന്നാണ് ‘നോ ട്രാന്സ് വോട്ട് ടു ബിജെപി’ എന്ന പോസ്റ്റര് പങ്കുവെച്ചുകൊണ്ട് രഞ്ജു രഞ്ജിമാര് കുറിച്ചത്.
