ന്യൂഡൽഹി : ഓപ്പറേഷൻ സിന്ദൂരിനെക്കുറിച്ചുള്ള ഇന്ത്യയുടെ നിലപാട് ലോകമെമ്പാടും പ്രചരിപ്പിക്കുന്നതിനായി വിദേശ രാജ്യങ്ങൾ സന്ദർശിക്കുന്ന സർവകക്ഷി സംഘത്തിൽ നിന്ന് തൃണമൂൽ കോൺഗ്രസ് നിയമസഭാംഗവും മുൻ ഇന്ത്യൻ ക്രിക്കറ്റ് താരവുമായ യൂസഫ് പത്താൻ പേര് പിൻവലിച്ചു. പാർട്ടിയുമായി ആലോചിക്കാതെ സർക്കാർ നേരിട്ട് ഒരു ടിഎംസി എംപിയെ നാമനിർദ്ദേശം ചെയ്ത രീതിയെ പാർട്ടി എതിർത്തതായി ടിഎംസി നേതാക്കൾ പറഞ്ഞു. ഇക്കാര്യം കേന്ദ്ര സര്ക്കാരിനെ അറിയിച്ചുവെന്നും അവര് വ്യക്തമാക്കി.
പ്രതിനിധി സംഘത്തിൽ ഉൾപ്പെട്ട ലോക്സഭാ എംപി യൂസഫ് പഠാനോട് ഔദ്യോഗിക സന്ദർശനത്തിൽ പങ്കെടുക്കരുതെന്ന് പാർട്ടി നിർദ്ദേശിച്ചിട്ടുണ്ടെന്ന് റിപ്പോർട്ടുകളും പുറത്ത് വരുന്നുണ്ട് . എന്നാൽ വിട്ടുനിൽക്കുന്നതിനുള്ള ഔദ്യോഗിക കാരണം പാർട്ടി നൽകിയിട്ടില്ല, എന്നാൽ തീരുമാനം കേന്ദ്ര സർക്കാരിനെ അറിയിച്ചിട്ടുണ്ട്. അതേസമയം ദൗത്യത്തിൽ ശശി തരൂർ, രവിശങ്കർ പ്രസാദ്, ബൈജയന്ത് പാണ്ഡ, സഞ്ജയ് കുമാർ ഝാ , കനിമൊഴി , സുപ്രിയ സുലെ , ശ്രീകാന്ത് ഷിൻഡെ എന്നിവരുൾപ്പെടെ വിവിധ രാഷ്ട്രീയ മേഖലകളിൽ നിന്നുള്ള മുതിർന്ന നേതാക്കൾ ഭാഗമാകും.
