തിരുവനന്തപുരം: എസ് എസ് എൽ സി പരീക്ഷാഫലം മെയ് രണ്ടാം വാരത്തോട് കൂടി പ്രസിദ്ധീകരിക്കുമെന്ന് വിദ്യാഭ്യാസ മന്ത്രി വി ശിവൻ കുട്ടി. കൂടാതെ ഏഴാം ക്ലാസിലെ സാമൂഹിക ശാസ്ത്ര പുസ്തകത്തിൽ നിന്ന് ഡൽഹി സുൽത്താന്മാരെ കുറിച്ചും മുഗൾ രാജാക്കന്മാരെക്കുറിച്ചുമുളള പാഠഭാഗങ്ങൾ നീക്കം ചെയ്ത് വിഷയത്തിലും മന്ത്രി പ്രതികരിച്ചു.
ചരിത്ര സത്യങ്ങൾ ഒഴിവാക്കിയുള്ള പാഠ പുസ്തകങ്ങൾ പുറത്തിറക്കുന്നു എന്നും കേരളം സർക്കാർ ഇതിനെതിരെ ശക്തമായ നിലപാട് സ്വീകരിക്കുമെന്നും മന്ത്രി പറഞ്ഞു. വിദ്യാഭ്യാസത്തെ കാവിവൽക്കരിക്കുന്നതിന് വേണ്ടിയുള്ള നയമാണ് കേന്ദ്രസർക്കാർ സ്വീകരിക്കുന്നത് എന്നും ഒഴിവാക്കിയ ഭാഗങ്ങൾ പഠിപ്പിക്കുന്നതിനു വേണ്ടിയുള്ള സംവിധാനം ഒരുക്കുമെന്ന് കേന്ദ്ര വിദ്യാഭ്യാസ മന്ത്രിയെ അറിയിക്കും എന്നും മന്ത്രി കൂട്ടിച്ചേർത്തു.
