ഇന്ത്യ – പാകിസ്താൻ സംഘര്ഷങ്ങളുടെ പശ്ചാത്തലത്തില് പാര്ട്ടിയുടെ പൊതുപരിപാടികള് മാറ്റിവെക്കാന് സിപിഐ. മണ്ഡലം, ലോക്കല് സമ്മേളനങ്ങള് പ്രതിനിധിസമ്മേളനം മാത്രമായി നടത്താന് തീരുമാനം. പ്രകടനങ്ങളും പൊതുസമ്മേളനങ്ങളും മാറ്റിവയ്ക്കണമെന്ന് പാര്ട്ടി ഘടകങ്ങള്ക്ക് സിപിഐ സംസ്ഥാന കൗണ്സില് നിര്ദേശം നല്കി. രാജ്യത്തിന് വേണ്ടി നിലകൊള്ളേണ്ട സമയമാണിതെന്ന് ബിനോയ് വിശ്വം പറഞ്ഞു.
അതേസമയം, ഇന്ത്യ – പാക് സംഘര്ഷങ്ങളുടെ പശ്ചാത്തലത്തില് രണ്ടാം പിണറായി സര്ക്കാരിന്റെ നാലാം വാര്ഷിക ആഘോഷങ്ങളും മാറ്റി വച്ചിരുന്നു. മന്ത്രിസഭാ യോഗത്തിലെ തീരുമാനം മുഖ്യമന്ത്രി പിണറായി വിജയനാണ് അറിയിച്ചത്.
