ഇടുക്കി: മുഖ്യമന്ത്രി പിണറായി വിജയനും പാർട്ടി നേതൃത്വത്തിനുമെതിരെ സിപിഐ ഇടുക്കി ജില്ലാ എക്സിക്യൂട്ടീവിൽ രൂക്ഷ വിമർശനം ഉയർന്നു. മുഖ്യമന്ത്രി ഏകാധിപതിയെ പോലെ പ്രവർത്തിച്ചുവെന്നും ആളുകളിൽ അവമതിപ്പ് ഉണ്ടാക്കുന്ന രീതിയിലാണ് പ്രതികരണങ്ങൾ നടത്തിയതെന്നും യോഗത്തിൽ ആരോപിച്ചു. ഇടതുപക്ഷ നേതാക്കളുടെ ശരീരഭാഷയും സമീപനവും ജനങ്ങളെ പാർട്ടിയിൽ നിന്ന് അകറ്റിയതായും വിലയിരുത്തലുണ്ടായി. ജില്ലയിലെ ഭൂപ്രശ്നങ്ങൾക്ക് ശാശ്വത പരിഹാരം കാണാൻ കഴിയാത്തത് തിരിച്ചടിയായെന്നും യോഗം അഭിപ്രായപ്പെട്ടു. പരിഹാരം കണ്ടതായി ആവർത്തിച്ചെങ്കിലും ജനങ്ങൾ അത് അംഗീകരിച്ചില്ലെന്നും ചൂണ്ടിക്കാട്ടി. യുഡിഎഫ് ഈ വിഷയത്തെ രാഷ്ട്രീയ ആയുധമാക്കിയതായും […]