മലപ്പുറം : വളാഞ്ചേരിയിൽ നിപ സ്ഥിതീകരിച്ച 42കാരിയുടെ ആരോഗ്യ നിലയിൽ മാറ്റമില്ല . ഇവർ ആശുപത്രിയിൽ വെന്‍റിലേറ്ററിൽ തന്നെ തുടരുകയാണ്. അതേസമയം രോഗലക്ഷണമുള്ള ആറ് പേരുടെയും നിപ പരിശോധനാ ഫലം നെഗറ്റീവാണ്. 59 പേരാണ് ഇതുവരെ സബർക്കപ്പട്ടികയിൽ ഉൾപ്പെട്ടിരിക്കുന്നത്. എന്നാൽ രോഗത്തിന്റെ ഉറവിടം എവിടെയാണ് എന്നത് കണ്ടെത്താൻ സാധിച്ചിട്ടില്ല . ഉറവിടം കണ്ടത്താനുള്ള ശ്രമം ആരോഗ്യവകുപ്പ് തുടരുകയാണ്.

അതേസമയം വളാഞ്ചേരി മുൻസിപ്പാലിറ്റി രണ്ടാം വാർഡിൽ 4 തദ്ദേശ സ്ഥാപനങ്ങളിലെ 9 വാർഡുകൾ കണ്ടെയ്ൻമെന്‍റ് സോണുകളായി പ്രഖ്യാപിച്ചു.വളാഞ്ചേരി മുൻസിപ്പാലിറ്റിയിലെ തോണിക്കൽ , താണിയപ്പൻ കുന്ന്, കക്കാട്ടുപാറ, കാവുംപുറം ,മാറാക്കര പഞ്ചായത്തിലെ മജീദ് കണ്ട് , മലയിൽ, നീരടി , എടയൂർ പഞ്ചായത്തിലെ വലാർത്തപടി,കരിപ്പോൾ എന്നീ പ്രദേശങ്ങളാണ് കണ്ടെയ്ൻമെന്‍റ് സോണുകളായി പ്രഖ്യാപിച്ചത് .