ന്യൂഡല്ഹി: പാകിസ്ഥാന്റെ ഭീകരവാദത്തിനെതിരെ ഇന്ത്യയുടെ നിലപാട് ലോകത്തെ അറിയിക്കാൻ ഒരുങ്ങി കേന്ദ്രം . ഇതിനായി നിരവധി രാജ്യങ്ങളിലേക്ക് പ്രതിനിധി സംഘത്തെ അയക്കാന് കേന്ദ്ര സര്ക്കാര് പദ്ധതിയിടുന്നു . അതേസമയം ഈ പരിപാടിയുടെ ഭാഗമാകുമെന്ന് കോണ്ഗ്രസ് വ്യക്തമാക്കി. കൂടാതെ ഈ സംരംഭത്തിലെ ഒരു പ്രതിനിധി സംഘത്തെ കോണ്ഗ്രസ് നേതാവ് ശശി തരൂര് നയിക്കുമെന്നാണ് റിപ്പോർട്ടുകളും പുറത്ത് വരുന്നുണ്ട്.
അതിര്ത്തി കടന്നുള്ള ഭീകരതയുടെ വിഷയത്തില് ഒരു സഖ്യം കെട്ടിപ്പടുക്കുന്നതിനാണ് സര്ക്കാരിന്റെ ശ്രമം. കൂടാതെ കോണ്ഗ്രസ് എന്നും ദേശീയതാത്പര്യത്തിനൊപ്പമാണെന്നും ദേശീയതയെ രാഷ്ട്രീയവത്കരിക്കുന്ന ബിജെപി നിലപാടിനെയാണ് എതിര്ക്കുന്നതെന്നും മുതിര്ന്ന കോണ്ഗ്രസ് നേതാവ് ജയറാം രമേഷ് പറഞ്ഞു. വിഷയത്തെ സംബന്ധിച്ച് കേന്ദ്രമന്ത്രി കിരണ് റിജിജു കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയുമായി സംസാരിച്ചതായും കോണ്ഗ്രസ് നേതാവ് ജയറാം രമേഷ് പറഞ്ഞു.
