മസ്കറ്റ്: ഒമാനില് ബലിപെരുന്നാൾ അവധി പ്രഖ്യാപിച്ചു. ജൂൺ 5 വ്യാഴാഴ്ച മുതല് ജൂൺ 9 തിങ്കളാഴ്ച വരെയാണ് ബലിപെരുന്നാൾ അവധി ലഭിക്കുക. ഒമാൻ ഭരണാധികാരി സുല്ത്താൻ ഹൈതം ബിന് താരിഖിന്റെ നിര്ദ്ദേശ പ്രകാരം സര്ക്കാര്, സ്വകാര്യ മേഖലാ ജീവനക്കാര്ക്കുള്ള അവധിയാണ് പ്രഖ്യാപിച്ചത്.
ജൂൺ 10 ചൊവ്വാഴ്ച പ്രവൃത്തി ദിവസം പുനരാരംഭിക്കും. ജൂൺ ആറിനാണ് ഒമാനിൽ ബലിപെരുന്നാൾ. സൗദി അറേബ്യയില് നാല് ദിവസമാണ് സ്വകാര്യ മേഖലാ ജീവനക്കാര്ക്ക് ഔദ്യോഗിക അവധി. അറഫ ദിനമായ ജൂൺ 5 മുതലാണ് അവധി ആരംഭിക്കുന്നത്. ജൂൺ എട്ട് ഞായറാഴ്ച വരെയാണ് അവധി ലഭിക്കുക. അവധിക്ക് ശേഷമുള്ള ഔദ്യോഗിക പ്രവൃത്തി ദിവസം ജൂൺ 9ന് ആരംഭിക്കും.
