തിരുവനന്തപുരം: സംസ്ഥാനത്തിന്റെ പല ഭാഗത്തായി തുടരുന്ന കാലവർഷക്കെടുതിയെ തുടർന്ന് മേയ് മാസത്തെ റേഷൻ വിതരണം ജൂൺ നാലം തീയ്യതി വരെ നീട്ടി. ഭക്ഷ്യ വകുപ്പ് മന്ത്രിയുടെ ഓഫീസ് ആണ് ഈ വിവരം പുറത്ത് വിട്ടത്. കൂടാതെ റേഷൻ വിതരണം പ്രതിസന്ധിയിലെന്ന വാർത്തകൾ അടിസ്ഥാനരഹിതമാണെന്നും അറിയിച്ചു. പ്രതികൂല കാലാവസ്ഥയെ നേരിടാൻ വകുപ്പ് സജ്ജമാണ്.

ജൂൺ മാസത്തിലെ റേഷൻ വിതരണത്തിനാവശ്യമായ 90 ശതമാനം ഭക്ഷ്യധാന്യങ്ങളും റേഷൻ കടകളിൽ എത്തി കഴിഞ്ഞെന്നും ഭക്ഷ്യ വകുപ്പ് അറിയിച്ചു. കൂടാതെ വെള്ളം കയറാനുള്ള സാധ്യത മുൻകൂട്ടികണ്ട് ഭക്ഷ്യധാന്യങ്ങൾ സൂക്ഷിക്കുന്നതിനായി സജ്ജീകരണങ്ങൾ ഏർപ്പടുത്താനും നിർദ്ദേശം നൽകിയിട്ടുണ്ട് .