ന്യൂയോര്ക്ക്: വേള്ഡ് ട്രേഡ് സെന്റര് ഭീകരാക്രമണം നടന്നിട്ട് 24 വര്ഷം. അമേരിക്കന് ഐക്യനാടുകളിലെ തന്ത്രപ്രധാന കേന്ദ്രങ്ങളില് അല് ഖ്വയിദ ഭീകരര് നടത്തിയ ചാവേര് ആക്രമണമായിരുന്നു വേള്ഡ് ട്രേഡ് സെന്റര് ആക്രമണം.
2001 സെപ്തംബര് 11, രാവിലെ എട്ട് മുപ്പത്. ലോക വ്യാപാരകേന്ദ്രത്തിന്റെ ഏറ്റവും ഉയരംകൂടിയ രണ്ട് ടവറുകളിലേക്ക് ഭീകരര് വിമാനങ്ങള് ഇടിച്ചുകയറ്റി. മിനിറ്റുകള്ക്കകം ഇരു ടവറുകളും നിലം പൊത്തി. 19പേര് അടങ്ങുന്ന അല്ഖ്വയിദ ഭീകരര് സംഘങ്ങളായി തിരിഞ്ഞ് നാല് അമേരിക്കന് യാത്രവിമാനങ്ങള് റാഞ്ചി. സംഘം നാലായി തിരിഞ്ഞാണ് ആക്രമണം നടത്തിയത്. തൊട്ടുപിന്നാലെ അമേരിക്കന് സൈന്യത്തിന്റെ ആസ്ഥാനമായ പെന്റഗണിലേക്ക് അടുത്ത വിമാനം ഇടിച്ചിറങ്ങി.
