കോഴിക്കോട് : മടവൂർ എ യു പി സ്കൂളിൽ ഹരിത ക്ലബ്ബിന്റെ നേതൃത്വത്തിൽ പച്ചക്കറി കൃഷിക്ക് തുടക്കം കുറിച്ചു .കൊടുവള്ളി ബ്ലോക്ക് പഞ്ചായത്ത് നടപ്പിലാക്കുന്ന ‘യുവതയുടെ കൃഷി ‘പദ്ധതിയുടെ ഭാഗമായാണ് ഈ പ്രവർത്തനം നടത്തിയത് .യുവ തലമുറയിൽ കൃഷി അവബോധം സൃഷ്ടിക്കുക ,വിഷ രഹിത പച്ചക്കറി ഉല്പാദിപ്പിക്കുക എന്ന ലക്ഷ്യത്തോടെ നടപ്പിലാക്കുന്ന പദ്ധതി സ്കൂൾ ഹെഡ്മിസ്ട്രസ് ഷക്കീല ടീച്ചർ ഉദ്ഘാടനം ചെയ്തു .
ചുരുങ്ങിയ സ്ഥലത്ത് കൂടുതൽ വിളവ് ലഭിക്കുന്ന അത്യുൽപ്പാദന ശേഷിയുള്ള വിത്തുകളാണ് ഇവിടെ ഉപയോഗിച്ചിരിക്കുന്നത് .യന്ത്രങ്ങൾ ഉപയോഗിച്ചുള്ള നൂതനമായ കൃഷി രീതികൾ ഇതിലൂടെ കുട്ടികൾക്ക് പരിചയപ്പെടുത്തുന്നു .
കാര്ഷിക മേഖല ഇന്ന് അനുഭവിക്കുന്ന പ്രശ്നമായ ചെലവ് കുറച്ച് ഉൽപ്പന്നങ്ങളുടെ അളവ് വർദ്ധിപ്പിക്കുവാനും ഇതിലൂടെ സാധിക്കുന്നു .പച്ചക്കറി കൃഷിക്ക് തുടക്കം കുറിക്കുന്ന പരിപാടിയിൽ പി ടി എ പ്രസിഡന്റ് അഹമ്മദ് ഷബീർ, എം പി ടി എ പ്രസിഡന്റ, യാസിഫ് മാസ്റ്റർ, ഹുസൈൻകുട്ടി മാസ്റ്റർ, സയിദ ടീച്ചർ, ബിജു മാസ്റ്റർ , വിദ്യാർത്ഥികൾ തുടങ്ങിയവർ പങ്കെടുത്തു.
