തൃശൂർ: കൊടകര സഹൃദയ കോളേജ് ഓഫ് അഡ്വാൻസ്ഡ് സ്റ്റഡീസ് (ഓട്ടോണമസ്) സെൻട്രൽ ലൈബ്രറിയുടെ നേതൃത്വത്തിൽ ഒരാഴ്ച നീണ്ടുനിന്ന ദേശീയ ഗ്രന്ഥശാലാ വാരാഘോഷത്തിന് സമാപനമായി. സമാപന സമ്മേളനം കോളേജ് എക്സിക്യൂട്ടീവ് ഡയറക്ടർ ഡോ. ഫാ. ഡേവിസ് ചെങ്ങിനിയാടൻ ഉദ്ഘാടനം ചെയ്തു. ഡിജിറ്റൽ യുഗത്തിൽ ഗ്രന്ഥശാലകളുടെയും വിമർശനാത്മക ചിന്തയുടെയും പ്രാധാന്യം അദ്ദേഹം ഊന്നിപ്പറഞ്ഞു. മത്സരങ്ങളിൽ പങ്കെടുത്ത വിദ്യാർത്ഥികളുടെ സാഹിത്യപരമായ സമർപ്പണത്തെയും കഴിവുകളെയും പ്രശംസിച്ചു.
പരിപാടിയിൽ പ്രിൻസിപ്പൽ ഡോ. ജോയ് കെ. എൽ., വൈസ് പ്രിൻസിപ്പൽ ഡോ. കരുണ കെ., ഫിനാൻസ് ഓഫീസർ ഫാ. സിബിൻ വാഴപ്പള്ളി ലൈബ്രേറിയൻ ഡോ. ഷാജി ബി. മലയാള വിഭാഗം അസിസ്റ്റന്റ് പ്രൊഫസർ ശ്രീമതി ധന്യ പി. ബി എന്നിവർ പങ്കെടുത്തു.
തുടർന്ന്, വിവിധ മത്സരങ്ങളിലെ വിജയികൾക്ക് സർട്ടിഫിക്കറ്റുകളും ക്യാഷ് പ്രൈസുകളും വിതരണം ചെയ്തു. ലൈബ്രറി വിദ്യാർത്ഥി കോർഡിനേറ്റർ മിസ്. ജാൻവി ജോജൻ നന്ദി പ്രകാശിപ്പിച്ചു.
