കോട്ടയം:  ജില്ലാ “അണ്ടർ 20” ഗുസ്തി മത്സരങ്ങൾ ഡിസംബർ പതിനാലിനു നടക്കും. അന്നേ ദിവസം രാവിലെ ഒൻപതു. മുതൽ ഭരണങ്ങാനം എ.എസ്. റസ്‌ലിങ് അക്കാദമിയിൽ ശരീര ഭാര നിർണ്ണയത്തോടെ മത്സരങ്ങൾ ആരംഭിക്കും.

പ്രധാനമായും 2006, 2007, 2008, 2009ൽ ജനിച്ചവർക്ക് പങ്കെടുക്കാം. 2009 ൽ ജനിച്ചവർ രക്ഷകർത്താവിന്റെ സമ്മതപത്രം ഹാജരാക്കണം. മെഡിക്കൽ ഇൻഷ്വറൻസ് നിർബന്ധമാണ്. മത്സരത്തിൽ പങ്കെടുക്കുന്നവർ 9 ന് രാവിലെ രണ്ടു ഫോട്ടോ പതിപ്പിച്ച റജിസ്ട്രേഷൻ സ്ലിപ്പും റജിസ്ട്രേഷൻ ഫീസും ആധാർ കാർഡ് ഒർജിനലും അതിന്റെ കോപ്പിയും സമ്മതപത്രവും മെഡിക്കൽ ഇൻഷ്വറൻസ് കോപ്പിയും കൊണ്ടുവരണം. ഈ മത്സരത്തിന് ശേഷം ഡിസംബർ 20, 21 തീയതികളിൽ കണ്ണൂർ മടമ്പം ശ്രീകണ്ഠപുരത്തുവച്ചു സംസ്ഥാനതല മത്സരം നടക്കും.