എറണാകുളം: കുറഞ്ഞ വിലയ്ക്ക് സ്കൂട്ടറുകൾ വാഗ്ദാനം ചെയ്ത് പണം തട്ടിയെന്ന പരാതിയിൽ ബി ജെ പി നേതാവ് എ.എൻ. രാധാകൃഷ്ണനെതിരെ പ്രതിഷേധവുമായി ജനങ്ങൾ.രാധാകൃഷ്ണൻ ചെയർമാനായ ഇടപ്പള്ളിയിലെ ഓഫീസിന് മുന്നിലാണ് പ്രതിഷേധം നടന്നത്.പണം നൽകിയിട്ടും മാസങ്ങൾ കഴിഞ്ഞിട്ടും സ്കൂട്ടർ ലഭിക്കാത്തവരാണ് ഓഫീസിന് മുന്നിൽ തടിച്ചുകൂടി പ്രതിഷേധിക്കുന്നത്.
ബിജെപി സംസ്ഥാന നേതാവ് എ എന് രാധാകൃഷ്ണന് ചെയര്മാനായ സൈന് സൊസൈറ്റിയ്ക്ക് പണം നല്കിയിട്ടും സ്ക്കൂട്ടറുമില്ല പണവുമില്ല എന്ന അവസ്ഥയിൽ ആയതോടെ ഇതിനു മുൻപും ആളുകൾ പ്രതിഷേധിച്ചിരുന്നു.
സ്കൂട്ടർ തട്ടിപ്പ് സംസ്ഥാന വ്യാപകമായതോടെ ആശങ്കയിലായ ഉപഭോക്താക്കള് പണം തിരികെ വാങ്ങാനായി എ എന് രാധാകൃഷ്ണന് നേതൃത്വം നല്കുന്ന ഇടപ്പള്ളി മരോട്ടിച്ചുവടിലുള്ള സൈന് ഓഫീസിലേക്ക് എത്തിയിരുന്നു .സ്ക്കൂട്ടര് ലഭിച്ചില്ലെങ്കിലും പണമെങ്കിലും കിട്ടിയാല് മതിയെന്നായിരുന്നു വന്നവരുടെ ആവശ്യം.
