മലപ്പുറം: തുടരണം താനൂരിന്റെ സുവർണകാലം എന്ന മുദ്രാവാക്യമുയർത്തി സിപിഐ എം താനൂർ ഏരിയാ കമ്മിറ്റി സംഘടിപ്പിക്കുന്ന ജനമുന്നേറ്റ യാത്ര പര്യടനം തുടരുന്നു. രണ്ടാം ദിവസം ഒഴൂർ പുൽപ്പറമ്പിൽ നിന്നും ആരംഭിച്ച് മീനടത്തൂരിൽ സമാപിച്ചു. ചുരങ്ങര, വെള്ളച്ചാൽ, അയ്യായ റോഡ്, താനാളൂർ എന്നിവിടങ്ങളിൽ സ്വീകരണം നൽകി.

സ്വീകരണ കേന്ദ്രങ്ങളിൽ ക്യാപ്റ്റൻ സിപിഐ എം ജില്ലാ സെക്രട്ടറിയറ്റ് അംഗം ഇ ജയൻ, വൈസ് ക്യാപ്റ്റൻ ജില്ലാ കമ്മിറ്റിയംഗം എൻ ആദിൽ, മാനേജർ ഏരിയാ സെക്രട്ടറി സമദ് താനാളൂർ, സ്വീകരണ കേന്ദ്രങ്ങളിൽ ഏരിയ കമ്മിറ്റിയംഗങ്ങളായ എം അനിൽകുമാർ, കെ ടി ശശി, ബാലകൃഷ്ണൻ ചുള്ളിയത്ത്, കെ വി സിദ്ധീഖ്, പി വിനേശൻ, സി മോഹനൻ, പി സിറാജ്, പി പി അൻവർ എന്നിവർ സംസാരിച്ചു. മൂന്നാം ദിവസം വൈകീട്ട് മൂന്നിന് കാവപ്പുരയിൽ നിന്നും ആരംഭിക്കും. ആരോഗ്യപടി (4), വൈലത്തൂർ (5), ഓവുങ്ങൽ (6), തറയിൽ (6.30) എന്നിവിടങ്ങളിലെ സ്വീകരണങ്ങൾക്ക് ശേഷം ഏഴിന് തലക്കടത്തൂരിൽ സമാപിക്കും.