ഇടുക്കി: തൊടുപുഴ–മുതലക്കോടം റോഡരികിലെ കുഴിയിൽ വീണ് ബൈക്ക് യാത്രികനായ യുവാവ് മരിച്ചു. മുതലക്കോടം സ്വദേശി ജെയ്സ് ബെന്നി ആണ് മരിച്ചത്. പൊതുമരാമത്ത് വകുപ്പ് കലുങ്ക് നിർമാണത്തിനായി റോഡരികിൽ എടുത്ത കുഴിയിലാണ് അപകടം സംഭവിച്ചത്. ഒരു മാസത്തിലേറെയായി കുഴി മൂടാതെ അപകടാവസ്ഥയിൽ തുടരുകയായിരുന്നുവെന്ന് നാട്ടുകാർ പറയുന്നു.
കുഴി മൂടണമെന്ന് പ്രദേശവാസികൾ പലതവണ ആവശ്യപ്പെട്ടിരുന്നുവെന്നും അധികൃതരുടെ അനാസ്ഥയാണ് അപകടത്തിന് കാരണമെന്നും അവർ ആരോപിച്ചു. ഇന്നലെ രാത്രി 11 മണിയോടെയാണ് ജെയ്സ് അപകടത്തിൽപ്പെട്ടത്. ഗുരുതരമായി പരിക്കേറ്റ യുവാവിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
