കൊച്ചി: ഓമ്നിടെക് എഞ്ചിനീയറിംഗ് ലിമിറ്റഡിന്റെ പ്രാഥമിക പൊതു ഓഹരി വില്പന (ഐപിഒ) 2026 ഫെബ്രുവരി 25 മുതല് 27 വരെ നടക്കും. ഊർജ്ജം, ഓട്ടോമേഷന്, മോഷന് കണ്ട്രോള് തുടങ്ങിയ വിവിധ മേഖലകള്ക്കുള്ള എഞ്ചിനിയറിങ് ഘടകങ്ങളുടെ ഉത്പാദകരില് മുന്നിരക്കാരായ കമ്പനി 418 കോടി രൂപയുടെ പുതിയ ഇക്വിറ്റി ഓഹരികളും പ്രമോട്ടറുടെ 165 കോടി രൂപയുടെ ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.
അഞ്ച് രൂപ മുഖവിലയുള്ള ഓഹരി ഒന്നിന് 216 മുതൽ 227 രൂപ വരെയാണ് വില നിശ്ചയിച്ചിരിക്കുന്നത്. കുറഞ്ഞത് 66 ഇക്വിറ്റി ഓഹരികള്ക്കും തുടര്ന്ന് 66 ന്റെ ഗുണിതങ്ങള്ക്കും അപേക്ഷിക്കാം. അര്ഹരായ ജീവനക്കാര്ക്കായി മാറ്റിവെച്ചിരിക്കുന്ന വിഭാഗത്തില് ഓഹരി ഒന്നിന് 11 രൂപ വീതം ഡിസ്കൗണ്ട് ലഭിക്കും.
ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും. ഇക്വിറസ് കാപ്പിറ്റൽ പ്രൈവറ്റ് ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
