കോഴിക്കോട്: സ്വർണം വാങ്ങാൻ കാത്തിരിക്കുന്നവർക്ക് ആശ്വാസമേകി സംസ്ഥാനത്തെ സ്വർണ്ണവിലയിൽ വൻ ഇടിവ്. ഈ മാസത്തെ ഏറ്റവും താഴ്ന്ന നിരക്കിലേക്കാണ് ഇന്ന് വില എത്തിയിരിക്കുന്നത്. വിപണി റിപ്പോർട്ടുകൾ പ്രകാരം 22 കാരറ്റ് സ്വർണ്ണത്തിന് പവന് 1,13,400 രൂപയും ഗ്രാമിന് 14,175 രൂപയുമാണ് ഇന്നത്തെ നിരക്ക്. ഉയർന്ന വില കാരണം സ്വർണം വാങ്ങുന്നത് മാറ്റിവെച്ചവർക്കും വിവാഹ ആവശ്യങ്ങൾക്കായി കാത്തിരിക്കുന്നവർക്കും ഈ വിലക്കുറവ് മികച്ച അവസരമാണ് നൽകുന്നത്.

​18 കാരറ്റ് സ്വർണ്ണത്തിന് ഗ്രാമിന് 11,705 രൂപയും പവന് 93,640 രൂപയുമാണ് വില. സ്വർണ്ണത്തോടൊപ്പം വെള്ളി വിലയിലും മാറ്റങ്ങൾ പ്രകടമാണ്. ഒരു ഗ്രാം സാധാരണ വെള്ളിക്ക് 260 രൂപയും ഒരു കിലോയ്ക്ക് 2,60,000 രൂപയുമാണ് ഇന്നത്തെ വിപണി നിരക്ക്. അന്താരാഷ്ട്ര വിപണിയിലെ വിലമാറ്റങ്ങളും ഡോളറിനെതിരെയുള്ള രൂപയുടെ മൂല്യത്തിലുണ്ടായ വ്യതിയാനങ്ങളുമാണ് ആഭ്യന്തര വിപണിയിൽ വില കുറയാൻ കാരണമായത്.