പശ്ചിമ ബംഗാൾ: ടെലിവിഷൻ പരമ്പരയുടെ ചിത്രീകരണത്തിനിടെ നടൻ റഹുൽ അരുണോദയ് ബാനർജി മുങ്ങിമരിച്ചതിന്റെ പശ്ചാത്തലത്തിൽ ബംഗാളി സിനിമാ-ടെലിവിഷൻ മേഖലയിൽ അനിശ്ചിതകാല സമരം പ്രഖ്യാപിച്ചു. പശ്ചിമ ബംഗാൾ മോഷൻ പിക്ചർ ആർടിസ്റ്റ്സ് ഫോറത്തിന്റെ അടിയന്തര യോഗത്തിലാണ് പണിമുടക്കിന് ആഹ്വാനം ചെയ്യിയത്.
സമരക്കാർ നിർമാതാക്കളും ചാനലുകളുടെ പ്രതിനിധികളും ഉൾപ്പെടുന്ന ചടങ്ങിൽ സിനിമാ സെറ്റുകളിൽ സുരക്ഷാക്രമീകരണങ്ങൾ ശക്തമാക്കണമെന്ന് ആവശ്യപ്പെട്ടു. അഭിനേതാക്കളുടെയും സാങ്കേതിക പ്രവർത്തകരുടെയും സുരക്ഷ ഉറപ്പാക്കുകയാണെങ്കിൽ മാത്രമേ ഷൂട്ടിങ് പുനരാരംഭിക്കുകയുള്ളൂവെന്ന് അവർ വ്യക്തമാക്കി. യോഗത്തിൽ പ്രസെൻജിത് ചാറ്റർജി, ഋതുപർണ സെൻഗുപ്ത, ശാന്തിലാൽ മുഖർജി, സ്വരൂപ് ബിശ്വാസ് എന്നിവരും പങ്കെടുത്തു.
മാർച്ച് 29-ന് ഒഡീഷയിലെ തൽസാരി ബീച്ചിൽ ‘ഭോലേബാബ പാർ കരേഗ’ എന്ന പരമ്പരയുടെ ചിത്രീകരണത്തിനിടെ രാഹുൽ ബാനർജിക്ക് അപകടം സംഭവിക്കുകയായിരുന്നു. 2008-ലെ സൂപ്പർഹിറ്റ് ചിത്രം ‘ചിരോദിനി തുമി ജെ അമർ’യിലൂടെ പ്രശസ്തനായ ബാനർജി ‘ജാക്ക്പോട്ട്’, ‘ലവ് സർക്കസ്’, ‘ശോനോ മോൻ ബോലി തുമയ്’ തുടങ്ങിയ സിനിമകളിലും ‘ഗീത എൽഎൽബി’, ‘ദേശർ മാതി’ പോലുള്ള ടെലിവിഷൻ ഷോകളിലും ശ്രദ്ധേയ വേഷങ്ങൾ ചെയ്തിരുന്നു.
