മോസ്കോ:മൂന്നാം വട്ടം ഇന്ത്യയുടെ പ്രധാനമന്ത്രിയായി തെരഞ്ഞെടുക്കപ്പെട്ടതിന് ശേഷം റഷ്യന് സന്ദര്ശനം നടത്തി നരേന്ദ്ര മോദി.ഇന്ത്യ – റഷ്യ വാര്ഷിക ഉച്ചകോടിയാണ് മോദിയുടെ റഷ്യന് സന്ദര്ശനത്തിലെ പ്രധാന അജണ്ട.റഷ്യ – യുക്രൈന് സംഘര്ഷം തുടങ്ങിയ ശേഷമുള്ള ആദ്യത്തെ സന്ദര്ശനം എന്ന നിലയില്, അക്കാര്യമടക്കം റഷ്യന് പ്രസിഡന്റ് വ്ളാദിമിര് പുടിനുമായി മോദി ചര്ച്ച നടത്തും.റഷ്യന് പ്രസിഡന്റ് വ്ളാദിമിര് പുടിന് ഇന്ന് നരേന്ദ്ര മോദിക്ക് അത്താഴ വിരുന്ന് നല്കും.നാളെ ഇരു നേതാക്കളും പങ്കെടുക്കുന്ന ഉച്ചകോടി നടക്കും.
റഷ്യ യുക്രയിന് സംഘര്ഷമടക്കമുള്ള ലോക കാര്യങ്ങളടക്കം ഉച്ചകോടിയില് ചര്ച്ചയാകും.ഇന്ത്യ – റഷ്യ വ്യാപാര സഹകരണം ശക്തമാക്കുന്നതിനുള്ള തീരുമാനവും ഉച്ചകോടിയില് ഉണ്ടാകുമെന്നാണ് പ്രതീക്ഷ.അതിനിടെ റഷ്യയിലെ ഇന്ത്യന് സമൂഹത്തെയും പ്രധാനമന്ത്രി നരേന്ദ്ര മോദി കാണും.ഇന്ത്യ – റഷ്യ വാര്ഷിക ഉച്ചകോടിക്ക് ശേഷം പ്രധാനമന്ത്രി ഓസ്ട്രിയയുടെ തലസ്ഥാനമായ വിയന്നയിലേക്ക് പോകും.
