പത്തനംതിട്ട: ആത്മഹത്യ ചെയ്ത എഡിഎം നവീന് ബാബുവിന്റെ മരണത്തില് കണ്ണൂര് എസ്എച്ച്ഒയ്ക്കും ഡിജിപിക്കും പരാതി നല്കിയിട്ടുണ്ടെന്ന് സഹോദരന് പ്രവീണ് ബാബു. നവീന് ബാബുവിന്റെ മരണത്തില് സമഗ്ര അന്വേഷണം വേണമെന്നാണ്
സഹോദരന്റെ ആവശ്യം. കണ്ണൂര് ജില്ലാ പഞ്ചായത്ത് പ്രസിഡണ്ടിനും പെട്രോള് പമ്പിന് അപേക്ഷ നല്കിയ വ്യക്തിക്കും എതിരെ അന്വേഷണം വേണമെന്നും അദ്ദേഹം പറഞ്ഞു.
അതേസമയം നവീന് ബാബുവിന്റെ സംസ്കാര ചടങ്ങ് നാളെ നടത്തും. ഇന്ന് ഉച്ചയ്ക്ക് ശേഷം മൃതദേഹം നവീന് ബാബുവിന്റെ സ്വദേശമായ പത്തനംതിട്ടയില് എത്തിക്കും. ശേഷം മൃതദേഹം പത്തനംതിട്ടയില് മോര്ച്ചറിയില് സൂക്ഷിക്കും. നാളെ രാവിലെ 10 മണിക്ക് പത്തനംതിട്ട കളക്ടറേറ്റില് പൊതുദര്ശനം. ഉച്ചയ്ക്കുശേഷം വീട്ടുവളപ്പില് സംസ്കാര ചടങ്ങ് നടത്തും.
