പത്തനംതിട്ട: കഴിഞ്ഞ നവംബറില് മരിച്ച ഗര്ഭിണിയായ പ്ലസ് ടു വിദ്യാര്ത്ഥിനിയുടെ ഡിഎന്എ ഫലം പുറത്തു വന്നു. പെണ്കുട്ടിയുടെ ഗര്ഭസ്ഥശിശുവിന്റെ പിതാവ് സഹപാഠി തന്നെയെന്ന് സ്ഥീരിക്കുന്നതാണ് ഡിഎന്എ റിപ്പോര്ട്ട്. സംഭവത്തില് ആലപ്പുഴ നൂറനാട് സ്വദേശി അഖിലിനെ പോക്സോ കേസില് പൊലീസ് അറസ്റ്റ് ചെയ്തിരുന്നു. ചോദ്യം ചെയ്യലില് മറ്റാരുമില്ലാതിരുന്ന സമയത്ത് പെണ്കുട്ടിയുടെ വീട്ടിലെത്തി പീഡിപ്പിച്ചിട്ടുണ്ടെന്ന് പതിനെട്ടുകാരന് സമ്മതിച്ചിരുന്നു.
പനി ബാധിച്ചതിനെ തുടര്ന്ന് ആലപ്പുഴ മെഡിക്കല് കോളേജില് പ്രവേശിപ്പിച്ചിരുന്ന പെണ്കുട്ടി ചികിത്സയിലായിരിക്കെയാണ് മരിച്ചത്. പെണ്കുട്ടിയുടെ ശരീരത്തില് അമിതഅളവില് മരുന്നുകളെത്തിയതായും ഡോക്ടര്മാര്ക്ക് സംശയമുണ്ടായിരുന്നു. പോസ്റ്റ്മോര്ട്ടത്തിലാണ് പെണ്കുട്ടി അഞ്ച് മാസം ഗര്ഭിണിയായിരുന്നുവെന്ന് കണ്ടെത്തിയത്.
