കൊച്ചി: പിക്സല് ലൈറ്റ് നെയിം ബോര്ഡുകളും അനധികൃത ലൈറ്റുകളും മറ്റു ഫിറ്റിങ്ങുകളും ഘടിപ്പിച്ച ടൂറിസ്റ്റ് ബസ് ഉള്പ്പെടെയുള്ള വാഹനങ്ങള്ക്കെതിരെ കര്ശന നടപടിക്ക് ഹൈക്കോടതി നിര്ദേശം. ജസ്റ്റിസുമാരായ അനില് കെ നരേന്ദ്രന്, എസ് മുരളീകൃഷ്ണ എന്നിവരുടെ ബെഞ്ചിന്റെതാണ് നിര്ദേശം. ബഹുവര്ണ ഓരോ അനധികൃത ലൈറ്റുകള്ക്കും 5000 രൂപ വീതം പിഴ ഈടാക്കണമെന്നാണ് കോടതി നിര്ദേശം.
സുരക്ഷാ മാനദണ്ഡങ്ങളും മറ്റും ലംഘിച്ച് പൊതു വാഹനങ്ങളില് യൂട്യൂബ് ചാനലില് പോസ്റ്റ് ചെയ്ത ദൃശ്യങ്ങള് തുറന്ന കോടതിയില് പരിശോധിച്ച ശേഷമാണ് ഡിവിഷന് ബെഞ്ചിന്റെ ഉത്തരവ്. വാഹനത്തിന്റെ ഉടമ, ഡ്രൈവര് എന്നിവര്ക്കെതിരെയും പ്രോസിക്യൂഷന് നടപടികള് സ്വീകരിക്കണമെന്നും നിര്ദ്ദേശത്തില് പറയുന്നു. താല്ക്കാലിക റജിസ്ട്രേഷന് നമ്പരുള്ള രണ്ട് ബസുകള് അധിക ലൈറ്റുകളും മറ്റും ഘടിപ്പിച്ച് ഇറക്കിയതും ഡിവിഷന് ബെഞ്ച് പരിശോധിച്ചു.
