ഗായകൻ പി ജയചന്ദ്രൻ്റെ നിര്യാണത്തിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. വ്യത്യസ്ത ഭാഷകളിലായി അദ്ദേഹം ആലപിച്ച ഗാനങ്ങൾ വരും തലമുറകളുടെ ഹൃദയങ്ങളെ സ്പർശിച്ചുകൊണ്ടേയിരിക്കും. ഐതിഹാസിക ശബ്ദം കൊണ്ട് അനുഗ്രഹീതനായിരുന്നു ജയചന്ദ്രൻ എന്ന് അനുശോചനക്കുറിപ്പിൽ പ്രധാനമന്ത്രി വ്യക്തമാക്കി. ജയചന്ദ്രൻ്റെ വിയോഗത്തിൽ ദുഖമുണ്ടെന്നും കുടുംബത്തിൻ്റെയും ആരാധകരുടെയും വിഷമത്തിൽ പങ്കുചേരുന്നുവെന്നും പ്രധാനമന്ത്രി പറഞ്ഞു.
കേരള ഗവർണർ രാജേന്ദ്ര വിശ്വനാഥ് അർലേക്കറും ഗായകൻ്റെ വേർപാടിൽ ഹൃദയംഗമമായ അനുശോചനം രേഖപ്പെടുത്തി.
