കൊച്ചി: പ്രമുഖനടിയുടെ പരാതിയില് പൊലീസ് തിരയുന്ന സംവിധായകന് സനല് കുമാര് ശശിധരന് അമേരിക്കയിലാണെന്ന് പൊലീസിന്റെ അനുമാനം. സംവിധായകന് വിദേശയാത്രകളുടെ വിശദാംശങ്ങള് ആവശ്യപ്പെട്ട് പൊലീസ് ഇമിഗ്രേഷന് വിഭാഗത്തിന് കത്ത് നല്കി. പരാതിക്കാരിയായ നടിയുടെ മൊഴിയും പൊലീസ് രേഖപ്പെടുത്തി.
സാമൂഹ്യ മാധ്യമങ്ങളിലടക്കം പിന്തുടര്ന്ന് ശല്യപ്പെടുത്തിയെന്നാണ് നടിയുടെ പരാതി. 2022-ല് ഇതേ നടിയുടെ പരാതിയില് സനല്കുമാര് ശശിധരനെതിരെ കേസെടുത്തിരുന്നു. ഈ കേസ് നിലനില്ക്കെ തന്നെയാണ് വീണ്ടും സമാനമായ രീതിയില് സനല്കുമാര് ശല്യം തുടര്ന്നതെന്നും നടി പൊലീസിനോട് പറഞ്ഞു.
